Rask psykisk helsehjelp

Kven er gruppa for?

Livet går opp og ned for dei fleste av oss, og det er heilt normalt å kjenne seg trist innimellom. Men dersom du har vore nedstemt over tid, har lite energi eller har mist interessa for ting du vanlegvis likar, kan det vere lurt å ta grep. Dette kurset kan hjelpe deg.
Kva går gruppa ut på?

Kartlegging: Identifisere tidlege teikn og utløysande faktorar (triggarar) for depresjon
Tankemønster: Kjenne att negative «automatiske» tankar og kritisk indre dialog
Aktivitetsplanlegging: Korleis bryte passivitet og gradvis ta tilbake lystbetonte aktivitetar
Problemløysing: Konkrete strategiar for å handtere kvardagslege utfordringar

Målet med gruppa

Du lærer metodar og teknikkar for å handtere depresjon
Du får verktøy for å førebyggje nye episodar

Praktisk informasjon

Kurset går over 6 veker og består av ei samling på om lag 2 timar kvar veke. Gruppa blir leia av to terapeutar. Det er plass til 10 deltakarar på kvart kurs. Kursmateriellet er nettbasert, og du får utdelt ein individuell kode før første samling.

Søvngruppe kan passe for personar som har vanskar med å få sove, vaknar for tidleg, eller har mange oppvakningar i løpet av natta.

Alle som melder si interesse vil bli oppringt for ein samtale om sine søvnvanskar, og få meir informasjon om behandlinga.

Praktisk informasjon

Gruppa går over 8 veker og består av ei samling kvar veke. Gruppa blir leia av to terapeuter. Vi har plass til 8 – 12 deltakarar på kvar gruppe. Kursmateriell vil bli utdelt første kursdag.

Kven er kurset for?

Kurset er for personar som ønskjer å betre evna til å handtere belastning. Kva som blir opplevd som belastning er individuelt og kan endrast over tid. Belastningar kan oppstå på ulike arenaer, og kan knyttast til ulike livssituasjonar.

Kva går kurset ut på?

Dette kurset er basert på forståinga av samanhengen mellom belastning, stress og meistring. På kurset blir det jobba med å kartlegge eigne belastningar og eigen meistring- og tankestil. For å få best mogleg utbytte av kurset, er det lagt opp til stor grad av eigenaktivitet. Dette dreier seg om øving i metodar og teknikkar på kursdagane saman med heimeoppgåver.

Målet med kurset

På kurset lærer du metodar og teknikkar for å betre eiga meistringsevne. Målet er å meistre belastninga på ein slik måte at den kan opplevast som kontrollerbar eller handterleg.

Metode

Kurset er basert på kognitiv terapi, og kunnskap om stress, belastning og meistring er ein sentral del av innhaldet i kurset.

Praktisk informasjon

Kurset går over 5 veker, og består av ei samling på to timar kvar veke. Gruppa blir leia av to terapeutar. Vi har plass til 8 deltakarar på kvart kurs. Kursmateriellet er internettbasert, og det blir gitt ut ein individuell kode til kvar enkelt før første samling. Deltaking krev noko datakunnskap, og tilgang til nettbrett eller datamaskin.

Kven er gruppa for?

Gruppa er for personar som opplever at bekymringane går ut over kvardagen i så stor grad at ein ønskjer å gjere noko med det. Det kan vere bekymringar for eiga helse, for nokon i familien, for økonomien, for jobb eller situasjonen i verda.

Det er normalt å bekymre seg, men av og til blir det så mykje at ein kjennar uro i kroppen, trykk i brystet, det blir vanskelegare å sove, vanskelegare å konsentrere seg eller berre vere til stades i kvardagen. Kanskje blir ein meir irritabel og byrjar å bekymre seg for at ein bekymrar seg for mykje.

Kva går gruppa ut på?

Denne gruppa er basert på bevisstgjering av samanhengen mellom eigne tankemønster og kroppslege reaksjonar. Du vil lære verktøy for å handtere bekymringar på ein meir formålstenleg måte.

For å få best mogleg utbytte av gruppa, er det lagt opp til stor grad av eigenaktivitet, i form av øving på verktøy, heimeoppgåver osb.

Målet med kurset

I gruppa lærer du metodar og teknikkar for å handtere bekymringar på ein meir formålstenleg måte, slik at bekymringar blir opplevde meir handterlege i kvardagen.

Metode

Gruppen er basert på kognitiv terapi, og kunnskap om korleis bekymringar påverkar oss både mentalt og kroppsleg, og dessutan åtferdsmessig er sentralt.

Praktisk informasjon

Gruppen går over 5 veker, og dessutan ein booster-samling etter 6 veker. Ei samling per veke på to timar. Gruppa blir leidd av to terapeutar. Vi har plass til 12 deltakarar på kvar gruppe.

Veileda sjølvhjelp/Veileda internettbehandling

Veileda sjølvhjelp er eit tilbod der du og din terapeut blir samde om eit sjølvhjelpsprogram. Målet er auka kunnskap og lære teknikkar for å handtere ulike psykiske utfordringar. Metoden er fleksibel ved at du kan jobbe med programmet på eiga hand når det passar, kombinert med vekentleg telefonveiledning fra din terapeut. Det blir tilbudt ulike program, tilpassa ulike psykiske vanskar.

Endringsfokuserte samtaler/Samtalebehandling

Kognitiv terapi i form av samtalar handler i stor grad om å få hjelp til å sortere, bli medviten og lære teknikkar for å handtere tankar/følelsar på ein meir hensiktsmessig måte. I samtalane vil du saman med ein terapeut få veiledning knytt til dette, saman med konkrete heimeoppgåver. Dette er for å teste ut teknikkane i dine omgivnader. I gjennomsnitt har vi 6 – 8 samtalar, og vurderer effekt og nytte undervegs. Ofte kombinerast individuelle samtalar med andre tilbod, som kurs eller veileda sjølvhjelp.